Янгиликлар

Jurabek Laboratories ишлаб чиқарган хитой-ўзбек ва «Sputnik V» вакциналарини рўйхатга олишга рухсат берилди

Бош вазир Абдулла Арипов 20 август куни Вазирлар Маҳкамасининг «Ўзбекистон Республикасида коронавирус инфекцияси билан боғлиқ эпидемиологик вазият барқарорлигини таъминлаш бўйича қўшимчча чора-тадбирлар тўғрисида"ги қарорига имзо чекди.

Ҳужжатда Jurabek Laboratories компанияси Anhui Zhifei Longcom Biopharmaceutical Хитой компанияси билан ZF-UZ-VAC-2001 вакцинасини Ўзбекистонда ишлаб чиқариш бўйича келишувга эришгани қайд этилган. Дастлабки босқичда хитойлик ҳамкорлар вакцина субстанциясини етказиб бериш масаласини кўриб чиқаётгани айтилган.

Ҳукумат ССВ ва Фармацевтика тармоғини ривожлантириш агентлиги таклифига биноан Журабек Лабораториес компанияси томонидан ишлаб чиқариладиган ZF-UZ-VAC-2001 ва «Sputnik V» вакциналарини давлат рўйхатидан ўтказишга рухсат берди. Истисно тариқасида ишлаб чиқариш жараёнларига доир тезник жиҳатдан тартибга солиш соҳасидаги норматив ҳужжатлар, вакциналарни субстанциялари ишлаб чиқарувчиларининг клиник олди ва клиник тадқиқотлари ижобий хулосаларини тан олинмоқда.