ZF-UZ-VAC2001 вакцинаси тадқиқотларининг 3-фазаси Ўзбекистон, Хитой, Индонезия, Покистон ва Эквадор давлатларидаги 31 та клиник марказларда ўтказилиб, унда жами 29 мингга яқин кўнгилли иштирок этган. Ушбу синовда қатнашганлар 1:1 нисбатда вакцина ёки плацебо қабул қилишган. 12 625 нафар вакцина олган кўнгилилар гуруҳида 158 та COVID-19 инфекцияга чалиниш ҳолатлари, 12 568 нафар плацебо қабул қилган кўнгиллилар гуруҳида эса 580 та COVID-19 ҳолатлари аниқланган. Натижада, вакцинанинг самарадорлиги 75.7% ни ташкил қилган. Шунингдек, вакцинанинг COVID-19 касаллигининг оғир ва ўта оғир шаклига чалиниш ҳолатларидан ҳамда ўлим ҳолатларидан сақлаш кўрсаткичи мос равишда 87,6% ҳамда 86,5% ни ташкил қилган.
Ножўя таъсирларнинг 98,5%и 1- ёки 2-даражада кечганлиги аниқланган. Ўз навбатида вакцинага алоқадор ўлим ҳолатлари кузатилмаганлиги қайд этилган. Мақолада ZF2001 вакцинасининг COVID -19 ҳолатларининг симптомсиз ҳамда оғир ва ўта оғир формаларини олдини олишда самарали ҳамда хавфсиз эканлигини таъкидланади. Шундай қилиб, ZF-UZ-VAC2001 вакцинаси тўлиқ эмлангандан сўнг камида олти ой давомида коронавируснинг симптомли ва ўткир шакллари билан касалланишнинг олдини олади.
Қайд этиш жоизки, NEJM журнали тиббиёт соҳасидаги нуфузли журналлардан бири бўлиб, 1812 йилдан бери чоп этилади. Бу журнал 2021 йилги илмий журналлар рейтингида 91 импакт фактор (IF) га эга бўлиб, етакчи илмий журналларнинг энг олдинги учлигига киради: 1-ўринда “CA-A Cancer Journal for Clinicians” (IF=508.7); 2-ўринда “Nature Review Molecular Cel Biology” (IF=94.4): 3-ўринда NEJM (IF=91.2); 4-ўринда “Nature Reviews Drug Discovery” (IF=84,7); 5-ўринда “Lancet” (IF=79.3). NEJM дунёнинг 175 мамлакатга тарқатилади.
Ўз навбатида, Инновацион ривожланиш вазирлиги мазкур тадқиқотда иштирок этган фуқароларимизга, илмий жамоаларга ва тиббиёт ходимларига ўз миннатдорчилигини билдиради.
Манба