Пенни К. Лукито мазкур вакцинанинг I, II ва III фаза тадқиқотлари унинг ножўя таъсирлари камлигини кўрсатганини ҳамда вакцинанинг 3-дозасидан кейин 7 кун ўтгач самараси 81,71% ни ташкил этганини қайд этди.
ZF-UZ-VAC2001 вакцинасининг III фаза синовлари Индонезиянинг Бандунг шаҳрида ўтказилган бўлиб, унда жами 4000 нафар кўнгилли иштирок этган. Жами синовларда бутун дунёдан 28 минг нафар кўнгиллилар қатнашганлар.
Индонезия ОАВларидаа хабар берилишича, ZF-UZ-VAC2001 вакцинаси Covid-19 вирусига қарши умумий 92,92% фоиз самарадорликни кўрсатган. Индонезияда шу пайтгача Bio Farma, Moderna, Pfizer, AstraZeneca, Sinopharm, up CanSino каби вакциналар қўлланган.
Индонезия Халқаро Фармацевтик инспекциялар ҳамкорлиги тизими (Pharmaceutical Inspection Co-operation Scheme PIC/S) аъзоси бўлиб, мазкур тизим фармацевтика препаратларини давлат рўйхатидан ўтиш даврида уларнинг сифатини баҳоловчи, ишлаб чиқариш сифатини назорат қилувчи орган ҳисобланади. Бу препаратлар инспекциясига қўйиладиган талабларнинг маълум стандартизациясини назарда тутади ҳамда маҳсулот сифатини кафолатлайди. Шунингдек, PIC/S мамлакатда GMP меъёрларига тўлиқ риоя қилинишини назарда тутади.
Манба